काठमाडौं । सिभिल सहकारीका सञ्चालक इच्छाराज तामाङसहित १७ जना सहकारी ठगी मुद्दामा दोषी ठहर भएका छन्।
जिल्ला अदालत, काठमाडौँका न्यायाधीश कृतबहादुर बोहराको इजलासले ठगीसम्बन्धी कसुरमा तामाङलाई दोषी ठहर गरेको हो। यससँगै अदालतले सजाय निर्धारणका लागि भदौ २५ गतेलाई पेसी तोकेको छ।
प्रतिवादी तामाङसँगै दुर्गाबहादुर संग्रौला, जयन्द्रलाल श्रेष्ठ, खेमनाथ डल्लाकोटी, प्रविणप्रसाद प्रधान, केशवलाल श्रेष्ठ, रामकृष्ण पौडेल, सुमन नन्दन वैद्य, हयिरहरप्रसाद लामिछाने, मुकुन्दप्रसाद नेउपाने, दानहिरा तुलाधर, नगेन्द्र बिमली, रामराज मास्के, हरिप्रसाद रिसाल, सिर्जना शाक्य तामाङ, लालकाजी गुरुङ र मिना गुरुङलाई कसुरदार ठहर गरेको हो।
‘मुलुकी ऐन ठगीको महल १ मा परिभाषित एवं निषेधित र हाल प्रचलित मुलुकी अपराध संहिता, २०७४ को दफा २४९ को उपदफा ९१० ले निषेधित उपदफा ९२० को कसुर गरेको ठहर्छ’, आदेशमा भनिएको छ, ‘सजाय निर्धारण सम्बन्धमा प्रस्तुत मुद्दामा छिट्टै सुनुवाइ गर्नु पर्ने देखिँदा सो प्रयोजनका लागि दुवै पक्षको सजाय पूर्वको प्रतिवेदन लिई २०८३ भदौ २५ को पेसी तारेख तोक्नू।’
अब उनीहरूलाई कति सजाय हुने भन्ने भदौ २५ गतेको सुनुवाइबाट टुंगो लाग्नेछ। सबै प्रतिवादीले संगठित अपराधसम्बन्धी कसूरमा भने सफाइ पाएका छन्।
