काठमाडौं। नेपाल आयल निगमले पेट्रोल र डिजेलको मूल्य बढाएको छ। शनिबार रातिदेखि नयाँ समायोजित मूल्य लागू हुनेछ।
इन्डियन आयल कर्पोरेसनबाट पेट्रोलमा दुई रुपैयाँ ५४ पैसा र डिजेलमा ६ रुपैयाँ ५३ पैसा मूल्य वृद्धिभए पनि, उपभोक्ताको हितलाई ध्यानमा राखेर निगमले पेट्रोलमा २ रुपैयाँ र डिजेलमा ३ रुपैयाँ मात्र मूल्य समायोजन गरेको जनाएको छ।
नयाँ मूल्य अनुसार, पेट्रोलको मूल्य पहिलो वर्गमा १५८ रुपैयाँ ५० पैसा, दोस्रो वर्गमा १६० रुपैयाँ र तेस्रो वर्गमा १६१ रुपैयाँ प्रति लिटर कायम गरिएको छ।
यस्तै, डिजेल र मट्टितेलको मूल्य पहिलो वर्गमा १४४ रुपैयाँ ५० पैसा, दोस्रो वर्गमा १४६ रुपैयाँ र तेस्रो वर्गमा १४७ रुपैयाँ प्रति लिटर कायम गरिएको छ।
