काठमाडौं । नेपाल बैंर्क एशोसिएसनले मुलुकको पछिल्लो असामान्य परिस्थिति समान्य बनाउन बैंकिङ प्रणाली सञ्चालन गर्ने निर्णय गरेको छ ।
जनजीवन क्रमशः सामान्य बन्दै जान थालेपछि बैंक तथा वित्तीय संस्थाले सीमित स्थानबाट आंशिक रुपमा सेवा सुचारु गर्ने निर्णय गरेको छ ।
एशोसिएसनका प्रमुख कार्यकारी अधिकृत अनिल शर्माले बैंकहरुलाई सूचना जारी गरेर काठमाडौं उपत्यकाभित्र बैंकका प्रमुख कार्यालयसहित ३ वटा शाखा खोल्न आग्रह गरेका छन् ।
यस्तै दिउँसो २ बजेसम्म ललितपुर र भक्तपुरमा सीमित कर्मचारीसहित २/२ वटा शाखा सञ्चालन हुने छन् । शाखाभित्र हुने कारोबारलाई सीमित समयमै गर्नुपर्ने भएकाले ग्राहकलाई यसबारे सचेत रहन आग्रह गरिएको छ ।
काठमाडौं बाहिरका शाखाहरु भने स्थानीय सुरक्षा निकायसँगको समन्वयमा सञ्चालन गर्न सकिने व्यवस्था गरिएको छ । प्रत्येक जिल्लमा रहेका सुरक्षा निकायसँगको समन्वयमा बैंकले तत्कालीन परिस्थिसतका् मूल्यांकन गरेर शाखा सञ्चालन गर्न सक्ने एशोसिएसनले जनाएको छ ।
यता, क्लियरिङ प्रक्रिया भने पुरै क्षमतामा सञ्चालन गरिने भएको छ । यसले गर्दा बैंकहरुबीच चेक कारोबार र भुक्तानी प्रणाली सहज हुने अपेक्षा गरिएको छ ।
रेमिट्यान्स विभाग पनि विदेशी मुद्राको विनिमयका लागि सीमित समयका लागि खोलिने बताइउको छ । सार्वजनिक सेवा प्रवाह अवरोध नहोस् भन्ने उद्देश्यले एटीएम सेवा निरन्तर चलाइने छ ।
एशोसिएसनले डिजिटल कारोबार पनि निर्वाध रुपमा सञ्चालन गर्न बैंकहरुर्लाइ निर्देशन दिएको छ । मोबाइल बैंकिङ, इन्टरनेट बैंकिङ, क्यूआर भुक्तानी सेवा र इसेवालगायतका डिजिटल प्रणाली अझै मजबुद बनाउन भनिएको छ ।
