काठमाडौं । गत असोज महिनामा देशभर सवारी कार्बाहिबाट ३ करोड १३ लाख ३ हजार ५०७ रुपैयाँ राजस्व संकलन भएको छ । प्रहरी प्रधान कार्यालयका अनुसार यो रकम जरिवाना बापत संकलन गरिएको हो। जरिवाना ३३ हजार २२६ सवारी साधनबाट उठाइएको जनाएको छ।
असोज महिनामा सवारी दुर्घटनाबाट २४६ जनाको मृत्यु भएको छ भने ८८८ जना गम्भीर घाइते र ८,०३० जना सामान्य घाइतेभएका छन्। प्रहरी प्रधान कार्यालयको विवरण अनुसार गत असोजमा कुल २ हजार ७५७ ले सवारी दुर्घटना घटेका थिए।
प्रहरीले जरिवाना रकमले राजस्व संकलनमा सहयोग पुर्याए पनि सडक सुरक्षा अझै चुनौतीपूर्ण रहेकाले चालकहरूलाई नियम पालनामा कडा चेतावनी दिइरहेको छ।
