काठमाडौँ। सिन्धु विकास बैंकका प्रमुख कार्यकारी अधिकृत सुरेश देवकोटाले कार्यभार सम्हालेको एक वर्ष नपुग्दै राजीनामा दिएका छन्।
देवकोटाले व्यक्तिगत कारण उल्लेख गर्दै पुस ९ गते बुझाएको राजीनामा बैंक सञ्चालक समितिको मंगलबार बसेको बैठकले स्वीकृत गरेको छ। सञ्चालक समितिले उहाँको राजीनामा माघ १ गतेदेखि लागू हुने गरी स्वीकृत गरेको हो।
देवकोटा एक वर्षअघि चार वर्षे कार्यकालका लागि बैंकको प्रमुख कार्यकारी अधिकृत नियुक्त भएका थिए। चार्टर्ड एकाउन्टेन्ट देवकोटाले २०८१ पुस १ गतेदेखि सिन्धु विकास बैंकको सीइओको जिम्मेवारी सम्हाल्दै आएका थिए।
यसअघि देवकोटा नबिल बैंकको सहायक कम्पनी नबिल स्टक डिलरको प्रमुख कार्यकारी अधिकृत रहेर कार्यरत थिए।
