जेठ १५ गते अर्थमन्त्री डा. स्वर्णिम वाग्लेले आगामी आर्थक वर्ष २०८२-०८३ बजेट ल्याउदा इतिहासकै सबैभन्दा ठूलो २१ खर्ब २४ अर्ब ३४ करोड रुपैयाँ बराबरको प्रस्तुत गरे।
यो बजेट चालु आर्थिक वर्षको बजेटको तुलनामा १ खर्ब ६० अर्ब रुपैयाँले बढी हो।
पुँजीगत बजेट बढाउने भनिए पनि कुल बजेटको ५९.८ प्रतिशत चालु, २०.३ प्रतिशत पुँजीगत र १९.९ प्रतिशत वित्तीय व्यवस्थापनमा खर्च गर्ने तयारी छ।
कुल २१ खर्ब २४ अर्बको भीमकाय बजेटको स्रोत जुटाउन सरकारले १४ खर्ब ५ खर्ब ३१ करोड रुपैयाँ राजस्व संकलन गर्ने लक्ष्य लिएको छ।
६१ अर्ब ७४ करोड बाह्य अनुदान ल्याउने भनिएको छ। बाँकी साढे ६ खर्बभन्दा बढी रकम आन्तरिक र बाह्य ऋणबाट पूर्ति गरिने भनिएको छ।
तर यसअघि आर्थिक वर्ष २०८१-८२ को बजेट सार्वजनिक भएपछि तत्कालिन प्रतिनिधि सभा सदस्य रहेका हालका अर्थमन्त्री वाग्लले संसद् भवन बाहिर सञ्चारमाध्यमलाई प्रतिक्रिया दिँदै बजेटको आकार अत्यधिक बढेर उत्ताउलो नआएको भए पनि आन्तरिक स्रोत र वैदेशिक अनुदानका स्रोत सुक्दै गएको समयमा झन्डै ६ सय अर्ब सार्वजनिक ऋणको भार बोकाउने गरी बजेट आएको प्रतिक्रिया दिएका थिए।
