धनगढी । सुदूरपश्चिम प्रदेशका सामुदायिक वनहरुबाट १६ लाख २० हजार तीन सय क्यूफिट काठ निकालिएको छ ।
गत आर्थिक वर्ष २०८२/०८३ मा सो परिमाणमा वनबाट काठ निकालिएको उद्योग, पर्यटन, वन तथा वातावरण मन्त्रालयले जनाएको छ । मन्त्रालयले दुई हजार २५८ चट्टा दाउरासमेत निकालिएको जनाएको छ । निकालिएको काठमध्ये ३९ हजार ४८४ क्यूफिट काम आपूर्ति समितिबाट वितरण गरिएको छ । मन्त्रालयले ४६३ घरधुरीले कामा दाउरा प्राप्त गरेको जनाएको छ ।
यसैगरी, गत आर्थिक वर्षमा २१ लाख ३२ हजार २१४ किलो जडिबुटी निकासी गरिएको मन्त्रालयले जनाएको छ । ४० लाख ४० हजार ८०५ किलो खोटोसमेत निकासी गरिएको छ । यसबाट २४ करोड एक लाख ७४ हजार ६८२ रुपैयाँ राजस्व आम्दानी भएको छ ।
प्रदेशको ३५ हेक्टर वन क्षेत्रमा जडिबुटी खेती गरिएको छ । सात हेक्टर वन धार्मिक वनका लागि हस्तान्तरण गरिएको छ । गत वर्ष एक हजार ७०२ हेक्टर क्षेत्रफलको १९ वटा वन समुदायमा हस्तान्तरण गरिएको मन्त्रालयले जनाएको छ ।
१७ हेक्टर अतिक्रमित वन खाली गरिनुका साथै १२२ हेक्टर वनमा १४ लाख ४७ हजार ३५० वटा वृक्षरोपण गरिएको छ ।
