काठमाडाैं। लक्ष्मी लघुवित्त वित्तीय संस्था लिमिटेडले तीन आर्थिक वर्षपछि सेयरधनीलाई लाभांश वितरण गर्ने प्रस्ताव गरेको छ। संस्थाले गत आर्थिक वर्षको नाफाबाट चुक्ता पुँजीको ५ प्रतिशत लाभांश दिने निर्णय गरेको हो।
मंसिर ३ गते बसेको सञ्चालक समितिको बैठकले ४.७५ प्रतिशत बोनस सेयर र कर प्रयोजनका लागि ०.२५ प्रतिशत नगद लाभांश वितरण गर्ने प्रस्ताव पारित गरेको हो।
प्रस्तावित लाभांश नेपाल राष्ट्र बैंकको स्वीकृति र संस्थाको आगामी वार्षिक साधारणसभाबाट पारित भएपछि सेयरधनीले प्राप्त गर्नेछन्।
लक्ष्मी लघुवित्तले पछिल्ला तीन आर्थिक वर्षदेखि लाभांश वितरण गरेको थिएन। यसअघि आर्थिक वर्ष २०७८/७९ मा संस्थाले १५ प्रतिशत बोनस सेयर र ५ प्रतिशत नगद गरी कुल २० प्रतिशत लाभांश दिएको थियो।



